Базар-Коргон райондук мамлекеттик администрациясынын башчысы-аким Мирлан Карагуловдун район калкына жаңы жылдык кутуктоосу.

Урматтуу мекендештер, Базар-Коргон районунун тургундары жана коноктору!

Быйыл районубузда чоң өзгөрүүлөр жана жакшыртуулар орун алды. Ар бир жасалган жумуштар жалпы биримдиктин жана талыкпаган эмгектин жыйынтыгы. Жаңы жылда бул өзгөрүүлөрдүн жакшы жыйынтыктарын көрүп, жаңы мүмкүнчүлүктөргө жетишебиз деп үмүттөнөм. Ар бир кадам районубузду дагы да жакшыртуу, гүлдөтүү жана өнүктүрүү жолуна жетелесин.

Жаңы жыл жаңы мүмкүнчүлүктөрдүн, кыялдардын жана жаңы үмүттөрдүн башталышы. Күн сайын жүрөгүңүздөр жылуулукка толуп, жан дүйнөңүздөрдө бакыт жаркырап турсун. Жаңы жыл Сиздерге жакшылыктарды тартуулап, ийгиликтердин дараметин жандандырып, сүйүктүү ишиңизде чыныгы жеңиштерди тартууласын. Жаңырган жылда районубуздун өнүгүүсү улам жанданып, ар бир үй-бүлө бакытка жана жакшы өзгөчөлүктөргө толо болсун. Өлкөбүз өнүгүү жолунда болуп, элибиз токчулукта жашасын!

Жаңы 2025-жылыңыздар менен!

Терең урматтоо менен, Базар-Коргон райондук мамлекеттик администрациясынын башчысы-аким Мирлан Карагулов